نظرة للخلف للشاعر راضي السقا

 @ نظرة للخلف @

يا مفارق ومهاجر  داري مفيش نظرة للخلف 

رجلك ماشية للسقوط هاوية حاسب فكر قف

ده حتي بيقولوا في البيع فصال مش خطف 

العشرة هانت مفيش دموع بانت ولا سلام كف

يوم اللقى شهد والحلو فض بعقلك ايه الوصف 

مين قادر للعمر غادر للتراب مد لسانة سف 

ضاعت أحلام وحقيقة مش كلام مين عقله خف 

واللي غطس بدل بايده فطس لحن الهوي عزف 

أمثال بنعرفها تتقال الروح تغيب وأوقات تهف 

ياراحل ......مكانك قف فكر بقلبك عينك ترف 

يوم تبيع يوم تتباع يوم عروقك من الماء تجف

 أنا صاحي مش مختل مشكلة تنحل بدقة دف

أمور الحياة لها طريقة بسيطة لسان عنها يعف 

كلمة حلوة بضحكة سهلة تعوم أجسامنا تخف 

 حاسب وقت الخلاف ليه الجدال عنه كف

راضي السقا