قطار عامل خالد كرومل

 ،،،،،،،فطار عامل،،،،،،،،،

شعر عامي

بقلم الشاعر خالد كرومل ثابت

حبة فول والزيت الحار

فطار غلبان طول النهار

سايب أهله وشغال يوميه

نفسه يوم يبني الدار

يوم شغال عند احرار

ويوم شغال عند اشرار

ناس تعامله بكلام حلو

وناس كلامها ضرب نار

حبة فول ومعاها رغيف

عند راجل أسمه ظريف

طعمه يجنن مع السلطات

بس العيش شويه خفيف

ولما يجيلك حتى ضيف

تملى طبليه عيش رهيف

اعمل ايه والضيف جعان

يطبق اتنين يعملهم رغيف

حبة فول ومعاها طعميه

نفسي مره اكل ملوخيه

تعبان مفلس منين اجيب

لحمه غاليه وفراخ مشويه

إن جيت للحق انا غلطان

سبت التعليم ايام زمان

ومن يومها مشفتش راحه

طول اليوم جسمي تعبان

كان زماني طلعت فنان

أو دكتور خلع اسنان

حتي موظف سكه حديد

أو مهندس على قضبان

الشاعر خالد كرومل ثابت