كتب لمنتدى المحيط العربي للشعر والأدب محمدابوالحسن ناكرالجميل
((((((ناكر الجميل))))))
((((ندل وعويل))))
**********
قالوا الزمن بيدور
إدي لكن بحساب
واعمل لبيتك سور
واعلى بدَرَج واعتاب
يبقى العرين مستور
وانت مازلت شباب
وعشان تعيش مجبور
إحفظ لشيبتك م
الوليمة مناب
بكرةالبرابِربعدماتصوصو
تهوهو وتتقلب لكلاب
وتجور عليك ويحرّموك
تفتح في يوم الباب
وان جيت في مرة تثور
هيقطعوك ويشونوك في
جراب
قلتلهم ياناس خلوا
الطابق مستور دول
كلهم أحباب
ومهما الف وادور هرجع
والاقي مفتوحلي قلوب
وابواب
وان جه عليا الدور هما
اللي باقيينلي وأحن
م الأغراب
لكن كلامهم كان حكم
والوعي عني غاب
وإيه يفيد الندم
والشعر مني ماشاب
الماضي كله اتردم
وبالت فيه الكلاب
والعمر أصبح عدم
عدى كأنه سراب
والظهر شاخ وانقسم
من تُقل شيلته انصاب
واللي كبر واترسم
عاوزك يادوب بواب
والباقي ستف رُزم
وفص ملح وداب
ودي آخرة اللي يبني
لغيره وملكه لسه خراب
غيره كوِّش وحوش
وصاحبنا سف تراب
ياريته يصحى لضميره
من قبل يوم الحساب
ساعتها رد المظالم لا
فيه عتاب ولا لوم
إلا اللي فاق واعتذر
ووفى دينه وتاب
محمدابوالحسن
تعليقات
إرسال تعليق