كتب للمحيط العربي للشعر والأدب الشاعر فكري هنداوي قصيدة عامية ايوه صحيح
(ايوه صحيح)
***********
أيوه صحيح الدنيا دية
- ناس وناس!!
أيوه ناس معدن دهب
وقلوبها ماس!!
ياما سقوك من قلب صافي
أحلا كاس !!
ويقدروك ويمنحوك أغلا
كاس!!
********
وغيرها ناس- أيوه ناس-
لكن خشب!!
ولا تساويش في قيمتها
إيد لفاس!!
او حتى قول: دول نعل
دايب في مداس!!
دول فصلولك توب نكد
وعا لمقاس!!
ويقولوك إللي ما قلته-
واللي نلته:
إتهام من ناس لئام
م لهوش أساس!!
وبيسرقوا منك سعادتك
في العلن!!
واستبدلوك بالرخيص-
هم الرخاص!!
وبيرموا فيك ويخرموك
حتى ف كرامتك وبكلام
أيوه حقير- لكن رصاص!!
*********
آااهين وآااه من حد قاصد
يهدمك!! أو يحرمك طعم
الحياه
مع إنه حق- لا شك فيه-
منصوص عليه باللامساس!!
وتقوله :عيب ارجع لعقلك
وبتوسل والتماس !!
فجأه تلاقيه- وبكل غل-
عشق وداس على كل شيئ
إلا الجحود!!
تسأل وليه؟! سؤال بريء
مفيش ردود- إلا كونك
شخص طيب في زمان
وصفك يعيب في عقول
حفنة خساس!!
في زمان الحقد ماليه
حتى الندالة زايده فيه
ومجتمعنا فيها غاص!!
*****
وف الختام!!
دوس يا صاحبي دوس
ودوس عاللي داس
حتى لو جالك يبوس
قدم وإيد اوحتي راس
لعنة شيطان تحل عليهم
حق لينا ف القصاص!!
فكري هنداوي
تعليقات
إرسال تعليق