كتبت للمحيط العربي للشعر والأدب الشاعرة سهير بدران من ديوان نبع يكفي آلاف العطاشي (أنا عايش)
من دبوان نبع يكفي آلاف العطاشي
((((((((((((( أنا عايش))))))))))))
أنا عايش......أنا عايش
وبتقولها بصوت مسموع؟؟؟؟
طيب ياعم غير غير الموضوع
وبالذمه وبالحق حقيقي حقيقي مصدقها
داخطوط الهم مرسومه علي جبينك ومحفوره في نن العين
وطيب بتداري صحيح علي مين؟؟؟؟
دا كل ذره في ملامحك معجونه ومكشوفه بتفاصيلها ياعم ياعايش
وانت ولا عايش ولافرحان ولا حزنان ولافارق معاك الضحكه كمان
كفايه واوعي واوعي لاتخبي لأن سنين همك كتير فاضحاك
كتير راسماك وبرضه برضه كتير قاسماك
طيب ماتجيبها مالآخر وتقول انا فقدت كتير إحساس
بقيت مش حاسس بطعنة الخنجر ولمس الورد
معدش فارق معايا كتير الود
أصل الآهه بتاعة الوجع إنتهت فيا خلاص
لما إنتهي كتير الإحساس
وقول كنتم عايزيني أحس بإيه؟؟؟؟
دانا لو كنت حسيت كنت زماني مع المجانين
بغني معاهم ياليلي ياعين
لأن اللي حصل فوق طاقتي وفوق همي , فوق الأزمان
وقول يازمان علي واحد لم هموم البشر علي اكتافه
ولما لما عدي بيهم جسور الخوف
المارد اللي جواهم طلع علشان يتمرد علي أول إيد إتمدت ليه
وبدل مايشكرها عيشها سنين الخوف
والهم اللي ماله أول وماله آخر
فقلت أتاخر
واخدلي مكان بعيد عن بني البشر ,بني الإنسان
لأن الوجع في قلبي عدي حدود الخوف من أزمان
ومعدش فاضل غير بس لسان
لسه بيقول أنا عايش
والمشكله إنه مصدق نفسه
وعايز اللي حواليه يقولوا كمان
تعليقات
إرسال تعليق