كتب للمحيط العربي للشعر والأدب الشاعر جلالالانصاري قصيدة دهاليز العاشر من رمضان
دهاليز ألعاشر من رمضان
........
دلوقت بس أقدر
أفرد طولي وأنام
وأبتسم وأضحك
وألعن الكوابيس
وأغرق في الأحلام
وارفع شعار النصر
وأزوق البرواز
بأجمل صوره منصورة
وأحلي أغاني وأ روع كلام
بسم الله الله أكبر بسم الله
جيشنا عبر بإذن الله
.....
دلوقت بس أقبل عزا
في صبرا وشتيلا
ومدرسة بحر البقر
وأطير طياراتي الورق
في كل حاره وميدان
وأرفع رايات الفرح
عبرنا وانتصرنا
بين سعادة ومرح
يااااه القلب انشرح
اسرائيل شربت مذلة
وانكسرت نفسها
وقلبها المغرور انجرح
.........
يااااه انا فرحان
والشماته ملياني
ما اشمتش ليه ؟
ولمامة العالم
بتغير في عنواني
ما شمتش ليه ؟
ولحم ولادنا متبعتر
في مليون سكة
والقدس باعوه الأندال
بقعده علي كرسي
وكام صندوق مليان بالفكة
......
دلوقتي بس اقدر أغني
وأعيد وأزيد
انتصرنا..انتصرنا
علي الصهاينة واعوانهم
من الاعراب والعبيد
وإسرائيل داقت الهزيمة
هلك ولادها
يارب زيد
واللي يتعاون معاهم
من صهاينة العرب
يتسد شريانه
ويتصفي دم الوريد
تعليقات
إرسال تعليق