كتب للمحيط العربي للشعر والأدب الشاعر شاذلي محمدقصيد رمضان بيجري

 🌸🌸🌸🌸🌸 رمضان . بيجري 🌸🌸🌸🌸🌸

                هو مش كان ابتدا كدة من ساعات

               جالنا سبت ، تاني يوم ، يبقى التلات

          و ييجى بكرة ، نقول ، دا أسبوع كان وفات

             هي الليالي الحلوة ، ملهاش في الثبات

             بنشوفها راكبة القطر ، وتعدي ف سكات

                               إلحق يا واد

                           لم بعض الحسنات

             متقولش قاعد العمر ، وأسمع مسلسلات

              والله شهر يمر ، بتمحي فيه السيئات

              إدعي تغور من وشك ، كل الموبقات

         فرضك ، صلاتك ، ذكاتك ، حدد ايه الواجبات

               قرآن وتختم ، مش مرة ، لأ مرات

              بالفضل تحسن ، أمك وأبوك بالذات

            يارب في رمضان ، تعطينا من البركات

          و ييجى علينا العيد ، من غير ولا أذمات

             والكل يبقى سعيد ، وارزقنا بالرحمات

      🌸🌸🌸🌸🌸🌸🌸🌸🌸🌸🌸🌸🌸

                              شادوليات

               شاذلي محمد عبدالرحمن حسين