كتب للمحيط العربي للشعر والأدب الشاعرسامي محفوظ حنا قصيدة عامية بتشكي لمين
بتشكي لمين
بقلم سامي محفوظ حنا
بتشكي لمين يا حزين همك
ياما مرت عليك محن ولا همك
هو مين كان وساك في حزنك
ومد أيده ومسح دمعك
وشفته يوم فرحان لفرحك
ما تقوليش حبايبي
ما تقوليش دول منك
بعدين يخيب فيهم ظنك
وتزيد الجراح فوق جرحك
بلاش تشكي لحد همك
وأنت عايش تايه
في زمن غير زمنك
مش عارف فيه
حبيبك من عدوك
داري جواك همك
وطبطب على نفسك
وخدها في حضنك
وامسح بايدك دمعك
أضحك في عز الأزمات
من قلبك
خلي صوت الضحكة
يغطي علي صراخ وجعك
أوعى حد يحس بضعفك
وتقف قدامه مكسور
الغربان تفرح واتظقطط
وتاخد مكان النسور
وأنت من الوجع تتنطط
عشمان في اللي منك
يسندك علشان تقوم
الكل أتخلى عنك
وخاب فيهم ظنك
وبقيت لوحدك
تعتب على نفسك
وتلوم
وزادت عليك الهموم
فوق همك
ربنا وحده قادر يشيل عنك
ارفع ايدك واشكي له همك
في ضعفك يقويك
ويكون سند ليك
لا يخذلك ولا يخيب ظنك
بقلم سامي محفوظ حنا
تعليقات
إرسال تعليق