كتب للمحيط العربي للشعر والأدب الشاعر شاعر بألم شاعربقلم قصيدة عامية مشيت في جنازتي

 مشيت في جنازتي وأنا ميت

وكنت كمان ماشي بعيط

وكنت كل ما أقرب من قبري بيعﻻ صوتي ويسمعني كمان الحي والميت وأنا بصوت

الكل فكرني بعيط علي الغالي

وأنا بعيط علي حالي

وعلي سنيني اللي جايه وأنا ميت

عذاب القبر والضمه

وليل ونهار انا في ضلمه

وعضمي ولحمي بقو رمه

.طعام للدود وأنا ممدود ﻻ حول ليا وﻻ قوه بالذمه

مش من حقي أنا أصوت

ويجي حسابي وعذابي

وانا فاكر اني عملت حسابي

وحضرت لكل سؤال جوابي

أتاري مﻻيكه واقفين علي بابي

ورهبه وخوف تخلي العايش يموت من الخوف مابالك ميت وهما مستمتعين بحسابي وعذابي

وأنا ﻻ قادر أعيط وﻻ أصوت

في لحظه تموت

وتﻻقي نفسك جوه تابوت

لكن أنا ماشي ورا نعشي وكل أحبابي وأصحابي وراي تمشي وشايف زوجتي وعيالي بيبكوا وسمعين أمهم بتنعي أعمالي

ده كان طيب

ده كان راجل

ده كان غالي. 

ده كان تصدقوا بقيت كان بعد ماكنت من لحظة حبيبي الغالي أبو عيالي. 

شفوها دلوقتي عليا بتصوت

وقفت كمان علي قبري وقولت كمان ياناس أدعي

اللهم أسكني دارا خيراً من داري

و أهﻻ خيراً من أهلي

و جيرانا خير من جيراني

ﻻقيت الكل قال آمين وعيط

عرفت اني خسرت اكيد روحت مصوت

تصدقوا كده كفايه مش راح أكمل كفايه غم أنا عيل هرجع تاني من اﻷول 

اروح بيتي لمراتي وعيالي واراجع حساباتي وأعمالي

ولو جت لحظة مماتي يبقي وﻻ الطم وﻻ أصوت 

بقلمي

هشام الشرقاوي

مشيت في جنازتي و انا ميت 

مشيت وكمان كنت بعيط

واصحابي هناك كمان ماشين ومعاهم أمي بتبكي من غير مابتصوت 

ومراتي ماشيه بتنعي حالها و حالي . ده كان راجل . ده كان طيب . ده كان إنسان . ده كان غالي . خلاص بقيت في خبر كان . بعني ماضي بعد ماكنت من ثواني في دكاني . شويه اشغل أغاني و شويه دعا و قرأني بصوضت عالي يقول ( انك ميت وإنهم ميتون . ثم انكم يوم القيامه عند ربكم تختصمون )

دلوقتي مهما عاليت صوت . مفيش صوت بيتصوت

وأبني علي كتافه شايل هو وأصحابه و متلخبط ياتري أرتاح من اللي تاعبه . ولا كنت أنا تاعبه . وانا في حباله متشعبط

وصلت لقبري و مكاني خلاص غيروا عنواني . لا تلفون ولا إنترنت . ولا بس ياواد أسكتي يابت . ولا حد علي بابي يخبط

في لحظه اتجمع كل أحبابي وشالوني علشان في قبري يدخلوني . وكانت رُكبي بتخبط

وقفلوا الباب

 

وبعدها بثواني بدأ الحساب 

وأنا اللي كنت فاكر أني حافظ لكل سؤال جواب 

ووقف الملائكه أمامي . عتيد و رقيب 

ولسه هيسألوني أول سؤال . من ربك . وقبل ماقول اي