منتدى المحيط العربي للشعر والأدب.. وكأني..... محمود عبدالعال
وكأني
وكأني عايش ومش عايش
وسط الخلايق طافش
وايه تفيد العيشة والعيشة فيها مش عايش
بدور على سكة تانية
يمكن ألاقي عيشة تانية
ماشي في وسط الطريق باصص شمال يمين
بهرب من أمر مغلوب
وايه يفيد مهو مكتوب
شايف السكة واعرة مطبات ما هياش سالكة
وكأني في دوامة
الداخل والطالع منها مراية
ضعيف وغلبان وبيترسم بالشفايف انه جبان
عايش في طيابة
في زمن ما عاد فيه غلابة
ولد الغلابة مساكين يابا وعايشين في غابة
طريق طويل
ومين يمسح دمعتك يا أصيل
وكأني عايش ضحية
على سكك الدنيا هافية
وكأني
..... محمود عبدالعال
تعليقات
إرسال تعليق