منتدى المحيط العربي للشعر والأدب .. ✍️أحمد منصور💌 💫💫💫 في بحر عيونك بغرق
✍️أحمد منصور💌
💫💫💫
في بحر عيونك بغرق
وانا على شطك عوام
خايف لو أقرب واعشق
يطلع بحرك أوهام
مش لقي في قُربك مرسى
في هواكي روحت بعيد
ولا قادر أبداً أأسى
أنا شوقي ليكي بيزيد
وانتي في بعدك نسياني
والنار منك بتزيد
ولا سامع كلمه وهمسه
ولا لمسة إيد للإيد
يا مركبي الحب أمانه
خدني دا البر بعيد
دي عيونها أكيد نعسانه
ببعت أشواقي بريد
برسالة مكتوب فيها
دقات من قلب مُريد
وإكتب عنواني ليها
في لُقاها كأني في عيد
ولا عايز أكون الجاني
أو قلبي يبقا حديد
2022/5/21
تعليقات
إرسال تعليق