كتب الشاعر/عوني هشام للمحيط العربي للشعر والأدب قصيدة/وآه يادنيا
وآه يادنيا
------------------- عوني هشام
يا دنيا ايه جرالك
الليل دخل النهار
غيرتي ليه فى حالك
والجد صبح هزار
لو جيتك يوم بقلبى
الاقى الشوك مزار
مش راضيه ليه تحبى
خليتى حياتي نار
يا دنيا حنى حبه
العقل معاكى طار
فرقتى ليه الاحبه
اخفيتي ليه العمار
العيشه صعبه خالص
مش عارف اجيب خضار
اللحمه غاليه جدا
والمش عمل فرار
امشي ولا ابقى جنبك
مش عارف أخد قرار
لو هنت يوم عليكي
طب حني على الصغار
لا جنيه فضل معايا
ولاشميت الدولار
خايف ازرع ورد عندي
يقلب ريحة السولار
يادنيا إيه جرالك
الليل دخل النهار
'''''''''''''''''''''''''''''''''''''''
........ عوني هشام
تعليقات
إرسال تعليق