كتب للمحيط العربي للشعر والأدب الشاعر راضي السقا نص بالعامية الشارع سد
@@ الشارع سد @@
بالحق كلام راح أقولوا بجد
كل أما ادخل شارع يقولوا سد
عديت علي شارع واثنين وثلاثة والرابع مفتوح مالوش حد
دخلت وقولت أعدي في نص الشارع شوفت بعيني حيطة سد
طب اعمل ايه أكمل ولا أرجع تاني ولا أعيط وألطم ع الخد
مالك يابلد ليه شوارعك بترفض وتندد وع اللي راح تقيم الحد
ما كانش ده حالك زمان كانت شوارعك مفتوحة لبعض
حب الناس لمتهم أمام بيوتهم هات من عندك وخد من عندي من غير عد
في رمضان نجمع فطارنا والأكل من كل نوع بالعشم والود
نأكل ونشبع نضحك نشرب الشاي نعمة كبيرة لله الحمد
لكن ياعيني في زمانا دة الناس قفلت بيوتها عليها والمعيشة ع القد
البيوت ضاقت بأصحابها وكل شوارعك يابلد بقيت سد
راضي السقا
تعليقات
إرسال تعليق