منتدى المحيط العربي للشعر والأب

 @ نهاية الحزن @

ما بتنتهيش أيامنا الحزينة ما بتنتهيش

والفرح ليه ياناس ما بيجيش

عذاب ياقلبي وازاي تقدر تعيش

بتلعب بيك الأيام تروح وما تجيش

حظك في جراب الحاوي ما تلاقيش

تتدق علي بابه يرد يقولك مفيش

تنادي ع الايام تعدي ما تعديش

ظلماني وآسيه عليا وليه ما بتديش

غدرت بيا وبالوعد ليا ما بتوفيش

كرهت حياتي ومش قادر أعيش

حزين ياقلبي والحنان في دنيتك مفيش

علي كل واحد دور قلبه يروح مايجيش

وايام تفوت علينا نقولها ما تعوديش

كفاية حزن جوانا واللي جاية ماتعانديش

دا زماني رماني ومافي غير المر مبيسقيش

عطشان والمية قدامي أشرب ما بترويش

أتحايل ع الفرحة واقولها ما تروحيش

تشاور وتمشي اقولها غيرك ماعنديش

يرتاح قلبي أمشي يأحزاني ما ترجعيش

عذبتي قلبي ياما والناس مابتوآسنيش

توته توته والحدوتة ما بتنتهيش

كل واحد عليه دور فيها راح يعيش

راضي السقا