الشاعر اسامه جديانة مع المحيط العربي للشعر والأدب وقصيدة بعنوان (يراقب عمايلك)
براقب عمايلك من ورا الستار
و بسمع رغيك مع كل جار
و ضحكة شقية تثير الانبهار
و قعت ضحية شربت المرار
سمعتك و كل كلامك هزار
مع واد تخين أظنه جزار
ملفوف على وسطة شوية دوبار
جايبلك لفة كرشة و مومبار
وكلامه كله في عرس و شوار
فضلت سهران لطلعة النهار
أقابل ابوكي واخواتك الكبار
و بالمره أشرب شاي بعد الفطار
و اقولهم ان حبك عملي حصار
وانت ولا همك تلعبي ويا الصغار
و كل مااجي اقولك احس باستهتار
انت عليك الصيني وانا عليا الشوار
و سجادة نبيتي فيها شوية سمار
انتم عليكم اللحمه وانا عليا الخضار
يا بنت ياشقية انت فاهمه الحوار
روح ياابن الجيران انا مهري بالدولار
لا تقدر على مهري ولا تقدر عالشوار
مهاديني بفيلا واسعه وحواليه اسوار
شوف نفسك ياشاطر
و احسن الاختيار
بدل ماتلاقي نفسك
تحت ايد جزار
صحى الحزين من نومه
لقى نفسه في الدوار
لا فرح يوم بحلمه
كان شارب زر خيار
(((أسامه جديانه)))
تعليقات
إرسال تعليق