الشاعر سيد جعيتم وقصيدة وجع للمحيط العربي للشعر والأدب

 وجع

إيه اللي صابك يا جدع

زود عليك كده الوجع

بتتلوى من الألم

 ولا بتتمايل

لا حد حاسس بجرحك

ولا بختك المايل

غريق في بحر أيامك

سجين وسط حيطانك

متعلق في قشة

تعدي بيك لأحلامك

 وتفتحلك باب 

سكوه الأحباب

 ورموا المفتاح

 ارضك بذرتها بارت

 فسدت وجارت

بدل التمور طرحت بثور

والأرض لما تبور

ما يروهاش الف نيل

ولا بحر ميته سلسبيل

قدرك ومكتوب 

انك تعيش محروم 

مطرود من الجنة  

لأرض ساكنها بوم

داري مواجعك

 و ارضى بالمقسوم

بقلم :

سيد جعيتم

جمهورية مصر العربية