كتب الشاعرصبري رسلان لمنتدى المحيط قصيدة نفسي أعيش
نفسي أعيش (555)
................
تسمحي لي يا دنيا أعيش
لو فى جحر ما هشتكيش
إفتريت وظلمت نفسي
من الحرير بقى ثوبي خيش
الحكايه بحسن نيه
جوز صحاب غاليين عليا من طيابه لجوز ديابه والوشوش بتقول أذيه
بان طمعهم فى اللي أيدي ورث خدته
وأرض سيدي
علموني الكيف محبه
كوم حرام كان حبه حبه
عشقي دايب فى القزازة
والسرنجه بحور كآبه
عقلي تاه مبقاش فاضي لي
عن حلاله إدارى تابا سرقوا مالي
خلاص مافيش
بصموني ما عدش ريش
هدوا بيتي حلالي بيعته
بكام قزازه ونوع حشيش
إداريت ورا ضلي فاتني
جوا وجعي ومر طيش
نفسي بس دموعي تنزل والندم ما يصدنيش
مش كفايه الروح وماتت وفى نظركم ما يساويش
أيه اللي باقي يا دنيا منه
عضمه هشه وستر خيش
بقلم .. صبري رسلان
تعليقات
إرسال تعليق