كتب الشاعر حسن حلمي لمنتدى المحيط قصيدة كدابين الزفة
أمسيات الحسن. .26/ 2/ 2023
( كدابين الزفة )
بقلم الشاعر: حسن حلمى
يا بايع الود ما تقولى حساب الدقة من الدقات
يساوى كام
وكام من العمر يوم عدى وفات وانا جنبك ولا بمشي
ونجم الليل يسلم على رمشي لليله تدوق عيوني
النوم وانا سهران لحس عينيك تنام ترتاح وراح امشي
ولا شايل هموم الليل على كتافك وانا جنبك
وبحلف باللى خلق الكون
لكون موجود واشيل عنك ولو زادت همومك كيل
لكون مبسوط ولا يهمك
وياما كتير
مسكت ايديك وعديتك ضلام الليل
وبالخطوة بدوس على الجمر لعيونك تشق طريق
تشوف النور
وانا مسرور ولا تدمع عيوني بيوم
لشوف الضحكة
بتنور بضلة شمس وتسلم على قلبي
لحس الدقة
تتكلم وبتقولي ده بيسلم
ونفسه بيوم
يبات الليل
بحضن عينيك
وضمة ايد تطبطب بس وتسلم
لتطمن على حاله
ومين غيرك يحس الشوق بمواله
وياما العود
يدق النبض على حاله
وأحواله بتتغير
بقلم الشاعر: حسن حلمى
تعليقات
إرسال تعليق