كتب الشاعر صبري عبدالواحد الحساني لمنتدى المحيط قصيدة الخبرة أفضل

 كلمات/ صبرى عبد الواحد الحساني

معلم بمدرسة الإصلاح الزراعي بنجع حمادى

محافظة قنا جمهورية مصر العربي

                 الخبره افضل

الخبره افضل من العلم

                        والعلم مع الخبره افضل

لو قلت للشاب سلام

                      لسانه فى الرد يتقل

أما الكبير بيرد

                    ويقول أهلا اتفضل

حتى مع المرأة يقول

                    واللى يقوله بيعمل

كلامه صادق ووعوده

                    لو وعد عمره ما يغفل

قلبه ما يعرفش يخون

                    وعلى ايه اللى بيحصل

يحب وما يعرفش يخدع

                    وبصراحة ولا عمره يتقل

الخبره عنده تخليه

                     فى الحب راسى واعقل

ياخد من حبيبه اللى عايزه

                     واللى عايزه ليه بيعمل

بيعرف أمته يقول

                     وأمته اللى عايزه يعمل

ما يعرفشى يعنى ايه مستحيل

                     ويمشى فى الطريق الأسهل

               الخبرة افضل

أنا الخبرة ما اعرفشى مستحيل

                           ولكل شىء عندى حل

اللى يعرفنى عمره ما يندم

                           ولا فى حياته يوم يكون مل

أنا الخبرة فعل وقول

                          بيدى اى شىء يتحل

اعمل من الفسيخ شربات

                          وكلامى ما قل ودل

فى حضنى الثلج يبقى بخار

     

                     وحضنى يكفى الكل