الشاعر هشام سليم كتب لمنتدى المحيط قصيدة روحوا قولها
روحوا قولولها
كسبتي إيه؟
لما كسرتي قلبه
ودستي عليه؟
كسبتي نظرات احتقار
خسرتي نفسك دقتي العار
والمعجبين ابتعدوا عنك
رغم جمالك وصغر سنك
بعدوا اكمنك
دكتوراه ف الخيانة
ماجستير ف كسر قلوب
والاستهانة
واخدة الحب ياحلوة لعبة
حب الدّبة
حبك سُبة
راكبة فوق المرجيحة
حبة فوق وحبة تحت
واللي يحبك قليل البخت
مش مريحة
وعاملة جريحة
وكل شوية مشكلة
وممثلة
رابطة حبيبك بسلسلة
والكل اعترف
مابيختلف
ف الجمال
ف الدلال
ملكيش مثال
ومذهلة
طفلة تلعب بالقلوب
شوية تحب وكمان تدوب
وبسرعة تقولك يلا فراق
وده المكتوب
بالفصحي يقولوا عليها لعوب
امرأة طروب
ليكن ف علمك ياامرأة
مش حقبل منك مرقعة
بقولها كلمة مسمّعة
خنتي ليه؟
كسبتي إيه؟
مكسبتيش
ماارتحتيش
شبح الخيانة بيطاردك
شرف الغرام بقي يعارضك
مش شايف طولك ولا عرضك
كرهت سماكي كمان أرضك
وحياة خيانتك أنا ف عرضك
خنتي ليه؟
وكسبتي إيه؟
ضاع الحب
اللي بكره تبكي عليه
خنتي ليه؟
د. هشام سليم
شاعر الحرافيش
😄😄😄😄😄😄😄😄😄😄😄😄😄😄😄😄😄😄😄😄😄😄😄😄😄😄
تعليقات
إرسال تعليق