كتب لمنتدى المحيط الشاعرElsayed Elkon قصيدةفين النخوة والإنصاف
.....((( فين النخوه والانصاف ))).....
خلاص تاه الطريق بينا
خلاص ضاعت أمانينا
في لحظة ضعف لنفوسنا
نسينا الحب و العشره
وكانت أقصي أمانينا
تسير الحياه بينا ببر أمان
اتاري الريح كانت عاتيه
و تاه من المركب الربان
في لحظة م الشيطان واليأس
شطح بينا شيطان الجان
شطح بافكارنا وأحلامنا
و خلانا في حالة يأس
نسيت كل اللي كان بينا
نسيت الود و الرحمه
وجيت علي قلبي وكسرته
رميت لي يمين و نفذته
هزمت قلبي و كسرته
جريت علي العند نفذته
عقدت العزم تجرحني
و تقتل كل شئ بينا
مشاعرنا واحاسيسنا
و أحلامنا و أمانينا
و راح أحلي ملئ ما فينا
وضاع الطفل ده بأيدينا
و سار حالنا عذا لينا
و سار حالنا يبكينا
حرام بعد اللي عشته معاك
يضيع صبري كده وياك
سنين شايلاك وقلبي معاك
و أخرتها تبيع في هواك
وتنسي الفضل والإحسان
وتنسي الذكري والايام
و يدخل بينا كل جبان
ويدخل بينا ألف شيطان
و فين النخوه و الانصاف
وفينا العدل و الايمان
كفايه عليك غضب قلبي
كفايه عليك غضب ربي
ده هو وكيلي أنا وحسبي
يخلص لي معاك ذنبي
مادام طبعك كده النسيان
مادام قصدك كده النكران
اله عادل مع المظلوم
أله واحد في كل زمان
كلمات الاديب الشاعر.د/ السيد علي القن
تعليقات
إرسال تعليق