كتب شاعر محمد أحمد(أبوعمر) للمحيط العربي قصيدة بعنوان روح العمر
قصيدة روح العمر
شاعر محمد أحمد(أبوعمر)
أنا عايش في دوامة
وإحساسي
كموج البحر
بيحضن كل لحظة الشط
بيبكي له
ويحكي له
على ذكري لماضي جميل
مازال عايش في شرياني
ودقة قلبي بتعيدها
كما لو كانت انبارح
بتفاصيلها
ومضمونها
وبين اللحظة والتانية
وبين الصرخة والآهة
أنا شايفك
في كل مكان
في ضحكة فجر
وطلة شمس
يا دعوة عايشة جوايا
تقويني في عز اليأس
وقلب حنون يدفيني في عز البرد
فسامحني يا روح العمر
حقيقي صعب نسيانك
تعليقات
إرسال تعليق