كتب الشاعر بدوي عباس للمحيط العربي قصيدة بعنوان بلاش معاندة

 ( بلاش معانده )

يا عم بلاش كبر ومعانده  وروح صالحها وراضيها 🌹 مش هيا دى الى انت كنت بتحبها و قايم نايم بتحلم بيها 🌹 فين كلامك لما قولتلها انتى كل حاجه بالنسبالى 🌹 وكنت زى العيل الصغير لما تشوفها تجرى عليها 🌹 مش هيا دى الى كانت وقت الشده ستر وغطا عليك 🌹 مش هيا دى الى كنت بتقول انها دعوه امك ليك 🌹 بقيت عايش ومش عايش وروحك طالعه ومفيش حد حاسس بيك 🌹 انت الى عملت كده فى نفسك شوف مين غيرها يطبطب عليك 🌹 مش هيا دى الى كانت كل أحلامك 🌹 مش هيا دى الى سابت كل الدنيا علشانك 🌹 مش هيا دى الى كنت مش شايف غيرها قدامك 🌹 انت الى عملت كده فى نفسك وتستاهل كل الى يجرالك 🌹 عمال تقاوح واكنى مفيش حاجه 🌹 وعامل نفسك مبسوط و هادى واعصابك فى تلاجه 🌹 زى ما زعلتها روح تانى وصالحها 🌹 واعترف ان انت بتحبها وروحك ليها محتاجه 🌹

    (شاعر الغلابه)

🌹بدوى عباس🌹