كتب الشاعر خالد جمال للمحيط العربي قصيدة بعنوان بدوب فيكي
بدوب فيكي
بدوب يا حبيبتي ف السحر
اللي جوه عنيكي
بدوب ف الهمس اللي بيغني
ما بين شفاتيكي
في حسن ورقه شادّيني
بلمس ايديكي
بدوب ف الوعد اللي قربني
وخدني إليكي
بدوب ف اللهفه اللي ف عنيكي
وخوفي عليكي
بدوب ف القلب اللي فيه طيبه
تكفي الكون
بدوب ف الحب اللي ليه هيبه
وعشق جنون
بدوب ف لسان مايعرفشي
يقول عيبه
كلام موزون
بدوب فيكي صفاء نيه
فؤاد ما يخون
عيون مرويه حنيه
وروح بتصون
بدوب حتى ف حكاويكي
حبيبتي وروحي وملاكي
يا ساحره قلوب
غرامك قدري وهواكي
نصيب مكتوب
وعمري قبل لقياكي
ده مش محسوب
بدوب على طول وانا معاكي
وهفضل ادوب
ف سهرك ويا لياليكي
بدوب فيكي
بقلمي/ خالد جمال ٢٥/٩/٢٠٢٣
تعليقات
إرسال تعليق