كتب الشاعر صابر الشناوي للمحيط العربي قصيدة بعنوان حيرة
*** حيره ***
للشاعر /صابر الشناوي
وقفت حروفي بين
أدين الصمت متكتفه
تقول كلام يملي السطور
من غير معاني
ما تفهمه ولويسالوك
دا يبقى ايه تضحك
تقول دي فلسفه
متاسسه على بعد تالت
لكل الصور لحلم
ياما حلمنا بيه
فوق حيطان المدرسه
من لما كنا صغيرين
نتهجي في حروف الغرام
نرسم سواقي نحلم يوم
نطول شواشي الشجر
ونلاغي اسراب الحمام
وهي ماشيه مروحه
ونقوله روح يلا نام
يضحك لنا ويقول
في حضن العاشقين
دايما لنا يحلي السهر
دلوقتي تاه كل الكلام
والحب بقى كام بكام
العاشقين باعو القضيه
كل الوعود مزيفه
وبين أدين الصمت
وقفت حروفي متكتفه
محتاره تلوم ع الحمام
انه فهمنا الحب غلط
ولا في حروف الغرام
ولا البشر اللي
فاهمين الحب غلط
تعليقات
إرسال تعليق