كتب الشاعر عصام رزق للمحيط ابعربي قصيدة بعنوان آسف ياقلبي

 ♥♥آسف ياقلبى♥♥

آسف ياقلبى أنا اللى وديتك

لبحر العشق ورميتك

وعشمتك بأوهام الغرام

ياريتك مت ياقلبى وعزيتك

دا يوم مازارنى فى المنام

خلانى فقت من نومى وحبيتك

شغلت بالى بمعسول الكلام

سرقت من ليلى ساعات نومى واديتك

بنقضى الليل مابين صلح وخصام

دايماً ببالى ولاعمرى مره صديتك

ساعات تقسى وماتقولى سلام

ونا اللى بين حنايا القلب خبيتك

ولو اعاتبك بتزعل من قلبى أوام

وتتدلل ونا اللى بالغالى اشتريتك

انا آسف ياقلبى إنى وديتك

ورجعتك لحضن التوهه ونسيتك

~~~~~~~~~~~~~~~

الشاعر/ عصام رزق