كتب الشاعر احمد مجذوب للمحيط العربي قصيدة بعنوان بقول بهواك
قولة بقول بهواك هي ذاتها عليك شوية
ما انت ذاتك جيتي من الله لي هدية
خليتي نومي خزاز وما نمت للفجرية
أصل الجمال الفيك نساني هو الماهية
في كتفه كم دبورة شافها وقع للطاقية
وراح في ذهول شارد بس هي ماملهية
وبيه ما اشتغلت يغور في دهية منسية
هي بت رجال جد تحفظ عروضها قوية
زولة بنية عز أدب وخلق وفيهامحرية
أصل الجمال الفيها نادر اشبه بحورية
والحكمة انها أصيلة سموها كاهلية
والحكمة انها في ذاتها هي سودانية
ربيانة أدب و أخلاق مابنية زهجية
مبتسمة هي كمان وما أحلاها في النية
احمد مجذوب
تعليقات
إرسال تعليق