كتب الشاعر راضي السقا للمحيط العربي قصيدة بعنوان تأشيرة هجرة

 @ تأشيرة هجرة @

يا بلادي أنا ليا أيه فيكي عشان أكون شاريكي 

أنا راحل منك ولا حتي يوم أفكر أناديكي 

لما الولد في بطن أمه يتعصر من جوع أمه ويموت عليها ليه أنا أبكي عليكي 

لما الفقير فيكي يبيع لحمة عشان يطعم ولادة هوه ده اللي يرضيكي

أيه معانا عشان نعطية وليه نديكي

لما البشر تتولد بصرخة نجدة في وقت الشتاء عايزه مين يدفيكي

مفروضة علينا وكلنا أوجاع وقت ما تقعي الغلبان يحميكي

لما ندافع عنك وتشبي بطولك خيرك مش لينا أيه فيكي 

لما اللي منك يتغطي بورق الجرائد على لقمة عيشه لمين يشكيكي

واللي دافع عنك مالوش حق يكون عريان وليه يحميكي

أعلاهم عرة فن وتمثيل وتطبيل ورياضة بيرفهوكي

من زخم العيشه الحلوة والناس مرتاحة ودمع الفرح في عنيكي

اللي من ارضك راح يرحل منك ولا لحظة يبكي عليكي 

لما الظلم تاج فوق الرأس والحق إنداس تحت رجليكي

منتظرة أيه تاني إدينا التأشيرة نهاجرك وإبقي شوفي مين شاريكي 

راضي السقا