كتب الشاعر أحمد السعيد الفقي للمحيط العربي قصيدة بعنوان يادمعة ساكنة في النني
يادمعة ساكنة في النني
والوريد
ياكلمة ساكتة
غصب عني
ومش بالإيد
الدم سال مني
والصبر بأيه هيفيد
ياغربة
جوه النفس
وتوهة في الوجدان
يارحلة صعبة
مابين الأمس
والآن
ياحلم متخفي
مابين اليأس
والإمكان
يا هل ترى
لسه في الدنيا
مكان
فيه الانسان
لسه إنسان
له قلب بيحس
يوم فرحان
يوم زعلان
لسه فيه جديد
ولا فات الاوان
وغرقنا خلاص
في بحر النسيان
لسه الأماني ممكنة
والقلوب
راضية ومؤمنة
وحاسة بالأمان
لسه الحلم الوليد
بيكبر جوانا
ويوم ورا يوم
بيزيد
ولا أحلامنا ضاعت
تحت التهديد
يا هل ترى
بكره جي أكيد
ولا بكره
صبح حلم
ولسه بعيد
يا ليل التوهة
ولي
وياشمس النهار هلي
و علينا طلي
ولو من بعيد
الكل مستني
يفرح ويغني
ويوم ما نفرح
هيكون يوم عيد
أحمد السعيد الفقي مصر
تعليقات
إرسال تعليق