كتب الشاعر هشام سليم للمحيط العربي قصيدة بعنوان سلام عليكم
سلامٌ عليكم
وليكم وبيكم
بيحلا السلام
ويعلا المقام
ويطيب مقامكم
بحلو الكلام
أول مااقول
صلاة وسلام عليك يارسول
مصر بلدنا
فيها جدودنا
وفيها ولادنا
شهدت ميلادنا
وعيشنا فيها كل الأصول
كل المعاني
كل الأماني
دقنا جراح
وسمعنا أغاني
عشقنا ترابها
دقنا هناها
ودقنا عذابها
نضحي عشانها
ونرفع شانها
سواء من طنطا
أو حتي بنها
راكب سفينة ف أي مينا
اسكندراني أو من سينا
معاها احنا متعايشين
واكلين
جياع
ادينا عايشين
حابينها بنقول كارهينها
ولما حد ييجي يهينها
يضحّي عشانها ألوف ملايين
سر الجدارة
نبع الحضارة
الكل ليها ياناس حاسدين
ومن جمالها عليها حاقدين
ورب الزتون
ورب التين
حتفضل عالية ياكارهين
العاطفة ليها مجنونة
ومهما كانت مديونة
برضو حتفضل فيها عايشين
آمنين مطمنيين
العين عليها
وربي حاميها
بيقسم ضهر
حراميها
هلال وصليب
حبيب وحبيب
نسيجها واحد
ياكل جاحد
جرحك منها
مش حيطيب
عانينا كتير
وحنعاني
بالصبر نكسب
مجاني
ومهما كنتي عاصراني عصر
برضو ف قلبي ياأغلي مصر
دايما ف قلبي ياأغلي مصر
د.هشام سليم
كنج العربي
شاعر الحرافيش
تعليقات
إرسال تعليق