كتبت الشاعرة صفاء حسانين للمحيط العربي قصيدة بعنوان سقعانه يمه

 سقعانه يمه

غطينى يمه  سقعانه

كفايه انا نايمه جعانه

والله يمه بردانه 

يمه ليه سبتيني مش كنتي يمه تدفيني

سمعاني يمه تحت الردم انا نايمه جنبك كلميني

اختي معايه بتنادي يمه اطلعي يمه وطمنيني 

كفايه ابويا وعمي واخويا راحو يمه ارحميني

انتي صاحيه صح يمه انا حاسه بيكي بتناديني

يلا اطلعي انا مش هسيبك لو حتي يمه يغرقوني

ايه يعني اجوع أو حتي اموت مخلاص يمه الناس نسوني

شايفيني يمه قدام عنيهم ولا حد فيهم همه دموعي

اتفرجو كمان وكمان ذنبي في رقابكم يلي تشوفوني

هقابل ربي واشكو جحودكم 

واقول ياربي دول خصومي 

هيجي يوم ياخدلي حقي واوعو في يوم اوعو تلموني

بأيديكم تشفولي جرحي 

و بأيديكم انتم تغطوني

لكن قلوبكم حجرت ومش قادرين حتي تستروني

إبقو  إحكو  لولادكم في يوم انكم   يا مسلمين نسيتوني

خلاص  انا جنب امي هموت خلاص سيبوني خلاص سيبوني

بقلم صفاء حسانين