كتب الشاعر أحمدالسعيدالفقي للمحيط العربي قصيدة بعنوان يا أمي
قصيدة يا أمي
بقلمى أحمدالسعيدالفقي
ياأمي
ياأمايا
يافرحي وهنايا
وكل أملي ومنايا
أبتدي منين الحكاية
وأحكي لمين
مشوارك معايا
من لحظة
ماكنت جنين
ساكن حشاك
تسع شهور
وأنا عايش جواك
والعمر كله
عايش في حماك
ياحضن دافي
مليان حنان
وقلب صافي
وأحساس بالأمان
لما بكون وياك
ياكتف شالني سنين
ولما كبرت
شال همومي
ودايما يغلبك الحنين
من عز نومك تقومي
تشقري
وتحضري
ليا فطوري
وبالليل تسهري
فيا تفكري
كان شكله أيه يومي
تصلي وتدعيلي
الفرحة تجيلي
وتربي عيالي وتشيلي
حبك يزيد
ولا عمره ينقص
غالية على قلبي أكيد
والغالي عمره مايرخص
قلبك الوحيد
هو المخلص
لو يوم شافني سعيد
من الفرحة يرقص
ربنا يقدرنى
وأرد جميلك
فاكرك يا أمي
وليل ونهار بدعيلك
الجنة تكون مثواك
وعن قريب
يا أمي
أفرح بلقاك
في جنة رضوان
و النبي فرحان
ومن حوضه سقاك
أحمد السعيد الفقي مصر
تعليقات
إرسال تعليق