كتب الشاعر راضي السقا للمحيط العربي قصيدة بعنوان واقف على بابك
@ واقف على بابك @
من سنين واقف على بابك
وليه ياعمري بتخلف معادك
دنا ياما سهرت الليل ياحبيبي في جمالك
وكل ده ما جتش لحظة على بالك
ايه ياحبيبي ايه اللي جرالك
ده أنت العمر اللي باقي وده ما كانش حالك
فاكر لما كنت بشوف روحي في أحلامك
وكانت صورتي ما بتفارق أبدا خيالك
وأنا عشقت فيك رقتك ودلالك
عشقت الليل وغروب الشمس في سمارك
وكانت بلادي هي بلادك
وعيني في عينك ما أحلم غير بسلامك
كفي على كفك قلبي ماله بدالك
في دنيته ما يرضيه غير قربك ولعيونك غنالك
حبيبي قلبي بيسأل ياعمري أنت مالك
ومين اللي غير حالك
ما كنتش كدا ابدا في حبك لهواك
وكانت الناس ياعيوني عليه حسداك
رد عليا وكلمني يأحلي ملاك
دنا إيدي فوق الجدران رسماك
وأه ياحبيبي طال الإنتظار على رؤياك
ياريت ياعمري ما تخلف معادك وتقابل هواك
راضي السقا
تعليقات
إرسال تعليق