كتب الشاعر راضيالسقا للمحيط العربي قصيدة بعنوان ليه تسافر

 @ ليه تسافر @

إذا كنت عايز تملكني

 من غير كلام قدم القربان 

روحك وقلبك وعمرك كمان 

 أكون تحت أمرك يانجم الزمان 

أنا حبيبتك وكلك عليا ما تغلاش

 إرفع من مقامي بشوية حنان 

تروح مني فين وانا ساكنه وريدك

 وبجري بدمك سريان 

ياورد من غير شوك فوق الأغصان

 صدقني عشقي ليك مش إحسان 

دنا ياما تعبت لما لقيتك

 اوعاك من إيدك أضيع في زحمة الزمان 

روحي بروحك أفديك

 ومني ليك أنا والدنيا تحت رجليك

 ومعايا عمرك ما تكون خسران 

حبي ليك لو اتوزع على العالم كله

 كل البشر تعيش في أمان 

من غير كلام حبي ليك صمت الرهبان 

من غير كلام قدم ليا أجمل قربان 

من غير كلام  شوف لهفتي عليك

رغبةشوق وشيء من الجنان 

مهوووسه بيك وروحي فيك

 ولو قربانك كثير عليا أنت الكسبان

  الرحمة في قلبي ليك 

وأسامحك محبة في غرامي

خليك معايا ليه تسافر ياعشق الزمان 

 دنا قلبي بيك هيمان  يأجمل إنسان 

راضي السقا