كتب الشاعر يلدز البربري للمحيط العربي قصيدة بعنوان عندي عصفور
عندي عصفور
انا عندي عصفور جميل
بس يا خساره مش بيطير
في القفص محبوس
مش هيطلع منه ولا حتى بفلوس
لانه انكتب عليه يعيش محبوس
ملوش حتى ونيس يسليه
انا بس اللي بسأل عليه
الصبح بينده عليا يصحيني من النوم
ويفضل يزقزق ويغنيلي ولا ام كلثوم
ما هو يا عيني وحيد في القفص مظلوم
عصفورته ماتت وسابته من يوم
ومن يومها حزين مهموم
وانا برضوا عصفوري مات بس من سنين
اهو يسليني واسليه
رغم الحزن اللي في عنيه
اكلمه واشاورله باديا
وهو في القفص بيرقص
ورجليه رايحه جايه
بيرقصلي ويغنيلي
كانه بيقوللي ياعيني ياليلي
بيفهم بالاشاره
وباي عباره
ويجري شمال ويمين
بيفهم زي البني ادمين
الفرق ان هو مخلص امين
علشان كده هو عصفور جميل
ولابد هييجي يوم ويطير
مش هيعيش عمره اسير
هو ده حال الدنيا
تتغير وتتبدل في ثانيه
كلمات
يلدز البربري
تعليقات
إرسال تعليق