كتبت الشاعرة عبيرالصلاحي للمحيط العربي قصيدة بعنولن حاسب على قلبي

 (حاسب على قلبي...؟!)

وبأحذرك..

ما في حد زي بقدرك..

وبغير  عليك من النسيم 

لو مر جمبك بالصدف

 وبغير عبيري يعطرك 

.و..لكني برده بأحذرك...

خليك تملي في سكتي 

وإياك تخالف خطوتي 

علشان أشيلك جوه قلبي

 لو الزمان يوم كدرك..

وبأحذرك..

حاسب على قلبي الحنون.

.وإحمينا عن شر الظنون

 اللي ساعات بتأخرك 

عن شهد عشق

  أنا عينته ليك

 وبشوق سنين مستنظرك..

وبأحذرك...

بلاش عناد 

وإبعدني عن   نار البعاد

وتملى كون بالقرب 

 من  رمش العيون

 ..تحميك ..ضياها يبخرك..

وبأحذرك..

وفي كلمتين

 اتنين يا دوب 

إعشق ودوووووب.

.صاحب نجوم الليل . لازمها .

.لو حتى يوم هتسهرك..

وزي ما بدأنا الحوار بالتحذيرات

هأنهيه بتنهيدة الرضا ..

وبلمسة من كف العتاب

 تهدهد الشوق اللي

 حارن في الدروب.

.وتطمنك إن:

 اللي واهب عمره ليك 

من المستحيل يوم يخسرك.

بقلمي عبيرالصلاحي

من ديواني تعالى أما أقولك