كتبت الشاعرة سامية محمد غانم للمحيط العربي قصيدة بعنوان الحب الضائع
الحب الضائع
الحب من أول نظرة ولا أول جلسة
من أول لمسة إيد مع كلمة وهمسة
ولا الحب يأتى مع الحواس الخمسة
ولا القلب يقول الآه والعقل يقول لسة
تمهل ياقلب إياك تتسرع وتحب
أصل بحره غريق هتغرق فيه ولاتقب
إتعلم العوم ومع أمواجه هتتسحب
إتأنى ياقلب أصل الجرح عميييق
على قد حبك هتتجرح بلا يليييق
الحب لأول مرة له حلاوة وبريييق
يشدك ويجذبك ولبحوره غريييق
الحب مش كلمة تسمعها وخلاص
الحب من القلب حنية وإحساس
الحب فرحة وضحكة والخد يتباس
إيد على إيدك تمسكك ماتفرط فيك
وقت الضيق تلاقيه وقلبه يطبطب عليك
مش عصبية وزعيق وزعل منك مش عليك
مش تجاهل ولاقسوة رغم إحتياجه ليك
إيد حنينة تشدك وفى حضنه يدفيك
القسوة بتولد قسوة والحب بينهم يضيع
هو الحب إيه غير رقة قلب طيب ووديع
يحضنك ويضمك زى طفل جميل رضيع
تغيب يوم يومين و ترجع تلاقى مر نقيع
لاكلمة ولاهمسة ولاسؤال كالثلج الصقيع
بقلمي /
سامية محمد غانم
تعليقات
إرسال تعليق