كتبت الشاعرة دنياإبراهيم للمحيط العربي قصيدة بعنوان ياروحي ياللي تايهة مني
{أنادي روحي}
ياروحي ياللي تايهه مني
يانفسي ياللي مخصماني
ياذاتي ياللي معنداني
بتحكوا وتقولوا كلام
ومش عجبكم عارفه الحال
وانا سمعه وساكته
بسبب لساني الجبان
نفسه يقول كلام
بس مخروس وعليه لجام
قوللي يانَفسي اعمل ايه
نَفسي تقولي
اعملي نفسك مش وخده بالك
وقومي اطبخي حاجه لعيالك
ذاتي الراقيه مش عجبها الكلام
وتقولي انتي ملكة ويجيلك خدام
اه يا ذاتي ياغلبانه ارجعي مكانك
وقولي اه يانا وسبيها تعيش
وتصبر هي لا هتتكلم ولا هتقول
ويوم هيعدي ووراه يوم
آه يانفسي وآه ياذاتي
كلامكم كله اثر فيا
هلف وادور على كياني
هو اكيد عنده الحل لحالي
هيرجعلي روحي
اللي معها كل جروحي
أدويها وأفك لجام لساني معاها
بقلم /دنيا ابراهيم
تعليقات
إرسال تعليق