إنذار بالنهاية للشاعر راضي السقا
@ إنذار بالنهاية @
كل أما أبعد عن النهاية بلاقيها بتقرب مني
أذق فيها تبعد عني تلف تاني وترجع تخوفني
دار الحوار كلمة هناوكلمة هناك ومين يفهمني
بقول بلاش نكتب النهاية أتاريها كل لحظة تطاردني
يفارق وعايز يهجرني ونسي يوم ما وعدني
الكلام بقي تهديد وبين السطور مش عجبني
بالسلامة والقلب دعيلك ونسي يوم ماكلمني
مين يستحمل عذاب الأه طول الوقت ملازمني
يوم راح أجيب النهاية وأدوس قلبي ما يهمني
واللي ما يبكي عليا دمعة...... ولا يوم رحمني
أحذفه من سجلات الأحياء ولا أنسان يلمني
تحت النهاية خط أحمر .......أبويا قال وعلمني
أوعاك تبيع عزيز إلا لما يبيعك وأبقي أفتكرني
لما قولت من باعك بيعه قرب نهايته خليك فاكرني
فاكر كلام أبويا لو النهاية حبيبي قربها خطوة أعزمني
نروح للنهاية بألف خطوة ورب الكون شاهدني
عارف مين باع ومش طايق نفسه ولا طايقني
حمل الجبال فوق القلب شايل ومين يستحملني
صبرت وشربت ملح البحر وشوك السمك محاوطني
وماشي هايم على وجهي عاشق الروح تلهمني
أكتب للفرح ويوم للحزن وعيون البشر تصبرني
وان قربت النهاية أذق فيها بقوتي تبعد عني
وغيري يقربها أنا راح أقولها تعالي في حضني
راضي السقا
تعليقات
إرسال تعليق